Фазлиддин Эркинбоев жаҳон бокс аренасидаги навбатдаги катта ғалабасини нишонлади!

Бугун World Boxing ташкилоти кубогининг ҳал қилувчи финал босқичида ўзбекистонлик чарм қўлқоп усталари ўз маҳоратларини намойиш қилишмоқда. Мазкур мусобақанинг энг муҳим кунида 7 нафар боксчимиз олтин медаллар учун рингга кўтарилиш ҳуқуқини қўлга киритган эди. Шулар орасида -75 кг вазн тоифасида мамлакатимиз шарафини ҳимоя қилаётган иқтидорли боксчи Фазлиддин Эркинбоев ҳам бор эди.

Эркинбоев бугунги ҳал қилувчи жангда Болгария шарафини ҳимоя қилаётган тажрибали рақиб Рами Киван билан рингга чиқди.