Араухо "Реал Мадрид"га ўтадими? "Барселона" ҳимоячисининг тақдири катта савол остида!

Каталониянинг "Барселона" клуби сўнгги пайтларда ҳимоя чизиғида бир қатор муаммоларга дуч келмоқда. Бунинг асосий сабабчиларидан бири сифатида жамоанинг уругвайлик марказий ҳимоячиси Рональд Араухо кўрсатилмоқда. Айнан унинг муҳим учрашувлардаги жиддий хатолари ўйинчи клубни тарк этиши эҳтимолини ошириб юбормоқда.

Европа Чемпионлар лигасининг ярим финал босқичида "Интер"га қарши жавоб баҳсида Араухо икки марта жиддий ва қўпол хатога йўл қўйган эди. Ушбу хатолар натижасида Италия клуби устунликка эришиб, финалга йўл олган.