Ўзбекистонлик сайёҳларнинг БААга сафарлари кескин кўпайди: Амирликлар ўзбеклар учун энг севимли манзиллардан бирига айланмоқда

2025 йилнинг дастлабки уч ойида Бирлашган Араб Амирликларига (БАА) сайёҳлик мақсадларида сафар қилган Ўзбекистон фуқароларининг сони сезиларли даражада ўсди. Миллий статистика қўмитасининг маълумотларига кўра, шу йилнинг январ-март ойларида 44,8 минг нафар ўзбекистонлик БААга борган.

Бу кўрсаткич ўтган йилнинг шу даври билан таққослаганда 6,3 минг кишига ёки 16,2 фоизга ошганини кўрсатмоқда. Бу эса Амирликлар ўзбекистонликлар учун янада оммабоп туристик манзилга айланаётганидан далолатдир.