Мексикада сиёсий зўравонлик: мэрликка номзод сайловолди митингида отиб ўлдирилди

11 май куни Мексиканинг Веракрус штатидаги Тексистепек муниципалитетида юзага келган қонли ҳодиса мамлакатдаги сиёсий зўравонлик муаммосини яна бир бор кун тартибига олиб чиқди. Сайловолди кампанияси давомида, ҳокимият учун курашаётган сиёсатчи – мэрликка номзод Есения Лара Гутеррез номаълум қуроллилар томонидан ўққа тутилди. Ҳужум оқибатида сиёсатчи билан бирга яна уч киши ҳалок бўлган.

Ҳалок бўлган номзод Мексиканинг ҳукмрон партияси – «Миллий уйғониш ҳаракати» сафида бўлиб, келаётган 1 июн сайловларида фаол қатнашиши кутилганди.