«Реал»га жиддий зарба: икки юлдуз футболчи «Барселона» билан ўйинда мавсумни якунлади!

Испания чемпионати доирасида ўтказилган «Эл Класико» баҳси «Реал Мадрид» учун нафақат ҳисоб жиҳатидан, балки таркиб жиҳатидан ҳам оғир йўқотишларга сабаб бўлди. Катта шиддат билан кечган ўйинда мадридликларнинг етакчи футболчилари – Винисиус Жуниор ва Лукас Васкес жиддий жароҳат олишди ва бу мавсум майдонга қайта тушмаслиги маълум бўлди. Бу ҳақда AS нашри хабар тарқатди.

Хабарга кўра, бразилиялик юлдуз ҳужумчи Винисиус Жуниор рақиб ҳимоячилари билан кескин кураш чоғида чап оёғининг тўпиғидан оғир жароҳат олган.