Ўзбекистон 3,57 миллиард долларлик олтин сотди

Ўзбекистон 2025 йил бошидан бери жаҳон бозорида миллиардлаб долларлик олтин сотди, деб хабар берди nova24.uz, Давлат статистика қўмитаси маълумотларига таяниб.

Январь–март ойларида Ўзбекистоннинг ташқи савдо айланмаси 17,3 миллиард долларни ташкил қилди ва 2024 йилга нисбатан 8,6% га ошди. Экспорт 24,4% га ошиб, 8,1 миллиард долларга етди. Шу билан бирга, импорт 2,3% га камайиб, 9,2 миллиард долларни ташкил этди.

Натижада, ташқи савдодаги салбий баланс 1,09 миллиард долларгача қисқарди.