«Реал» Испания Кубоги финали олдидан жанжал кўтарди – ҳакамларга қарши кескин баёнот!

Мадриднинг «Реал» клуби матбуот хизмати эртага «Барселона»га қарши ўтадиган Испания Кубоги финали олдидан кескин ва жиддий баёнот билан чиқди. Бунга ҳакамлар бригадасининг ўйин олди матбуот анжуманида айтган гаплари сабаб бўлган. Мадридликлар ушбу сўзларни кескин ва қабул қилиб бўлмас, деб баҳоламоқда.

«Реал» томонидан билдирилишича, ҳакамлардан бири бўлган Рикардо де Бургос Бенгоэчеа ва ВАР ҳаками Пабло Гонсалес Фуэртес финалдан олдин ўтказилган матбуот анжуманида таҳдидли ва қўрқитиш мазмунидаги гапларни айтган.