Фарғонада супер ўйин ёхуд 4-санада 4-турга старт берилади

4 апрель куни Суперлиганинг 4-тури бошланади ва 6 апрелга қадар давом эттирилади. Фақат бу сафар 7 та жуфтлик иштирокидаги учрашувларга гувоҳ бўламиз. “Қизилқум” – “Хоразм” учрашуви бошқа муддатга қолдирилди.

4 апрель.

18:00. “Бухоро” – “Бунёдкор”

Бошланиши Б ҳарфи билан юритиладиган жамоалар иштирокидаги беллашув ўзига хос аҳамиятга эга. “Бунёдкор” клуби мағлубиятсиз одимламоқда ва ҳисобида 7 очко бор. “Бухоро” гарчи мағлубият билан бошлаган бўлса-да, кейинги иккита турда ишончли ғалабаларга эришди.