Ўзбекистон мусулмонлари идораси: «Рамазон ойи неча кун бўлса, шунча кун рўза тутилади»

Марказий Осиё давлатлари, жумладан Ўзбекистонда, уламоларнинг ҳисоб-китобларига кўра, 2025 йилдаги Рамазон ойи 29 кунда якунланмоқда. Шу сабабли Ўзбекистон мусулмонлари идораси Рамазон ҳайити 30 март, якшанба кунига тўғри келиши ҳақида маълум қилди. Шунингдек, диний идора Фатво бўлими 29 кунлик рўза тутишнинг ҳукми ҳақида тушунтириш берди.

Дунёдаги кўплаб мамлакатларда амал қилинадиган ҳижрий-қамарий тақвим ойнинг фалакдаги ҳаракатига асосланади. Ҳилол (янги ой) кўрингандан кейинги кун янги ойнинг биринчи куни ҳисобланади.