Тунги барни реклама қилиш учун қизларни кетига урган йигитга қандай чора кўрилди?

Жиноят ишлари бўйича Тошкент шаҳри Чилонзор тумани судида 7 январь куни У.Қахаров раислигида ўтказилган йиғилишда пойтахтдаги барни реклама қилишда иштирок этган 22 ёшли Ш Юнусовга нисбатан маъмурий иш кўриб чиқилди. «Газета.uz» суд қарорини ўрганди.

Хабар берилганидек, 25 декабрь куни Escada lounge bar ўз Instagram аккаунтида Янги йил шоуларини реклама қилувчи видео эълон қилди. Видеодаги йигит орқаси билан турган етти нафар қизнинг кети ва оёқларига уриб, ҳар бир зарбада санани айтади: «25, 26, 27, 28, 29, 30, 31 декабрь — ҳар куни».