Ўзбекистонликлар учун Таиландга узоқ муддатли визани онлайн олиш имконияти пайдо бўлди

Фото: The Cable
Таиланд Ташқи ишлар вазирлигининг маълум қилишича, 1 январдан бошлаб мамлакатнинг хориждаги 94 та элчихона ва бош консулхоналарида e-Visa хизматидан фойдаланиш мумкин бўлади.

Электрон виза тизимига кўра, Таиланд визаси олишга мурожаат қилмоқчи бўлган чет эл фуқароси янги онлайн электрон виза платформаси орқали ариза топшириши керак.

Ариза берувчидан паспорт ва тасдиқловчи ҳужжатларнинг асл нусхасини Таиланд дипломатик ваколатхоналари ва консуллик муассасаларига шахсан тақдим этиши талаб қилинмайди.