Тўқаев давлат газетасига интервю бериб, Назарбоевни очиқ танқид қилди

Қозоғистон собиқ президенти Нурсултон Назарбоев – ҳали тириклик вақтидаёқ шарафига ҳайкал қўйилиб, тириклик вақтидаёқ ҳайкали йиқитилган уникал сиёсатчи. Лекин бу ҳали ҳаммаси эмас экан. Қозоқлар уч йил аввалги намойишларда “чол кет”, деб бақириб, мамлакат сиёсий ҳаётидан чиқишини талаб қилган элбошининг бошида яна бошқа синовлар ҳам бор экан.

Масалан, тунов куни Қозоғистоннинг «Она тили» газетасига интервю берган Қозоғистон президенти Қосим-Жўмарт Тўқаев собиқ президент Назарбоевни очиқчасига танқид қилди.