Болаларни бўронлардан эмас, ўзимиздан асрайлик...

Бола – нозик ҳилқат, Яратганнинг мўъжизаси. У бир ниҳолки, қандай парвариш қилинса, шундай мева беради.

Шунинг учун ҳам фарзандни тарбиялаш, унга илм бериш, касб ўргатиш қадимдан энг масъулиятли вазифа саналган. Одоб-ахлоқ, ёши улуғларга ҳурмат, меҳр-оқибат, оилага, киндик қони тўкилган заминга садоқат фазилатларини камол топтириш бола тарбиясида энг муҳим жиҳатлардан ҳисобланган.

Фарзандлар қандай одам бўлиб вояга етиши биринчи навбатда оилага боғлиқ. Ҳар бир киши ўз оиласи олдида масъул.