Индонезияда наркотик савдосида гумонланган ўзбекистонликлар қўлга олинди

Индонезиянинг Бали оролида наркотик савдоси билан шуғулланган 7 киши қўлга олинди. Улардан 6 нафари хориж фуқаролари, 1 нафари эса индонезияликлардир. Бу ҳақда полицияга таянган ҳолда Kompas портали хабар берди. Хабарда уч нафар ўзбекистонликнинг исми тилга олинади. Полиция расмийларига кўра, дастлаб Азамат исмли ўзбекистонлик қўлга олинган. Кейин унинг шериклари бўлган Ўзбекистон фуқаролари Ю.О., ва М.А., ушланган. Хабарда яна икки нафар россиялик - Денис Комаров ва Денис Романов ҳам ҳибсга олингани айтилади.