Ирада Әюпова: Тукай мирасын саклыйк дисәк, яңа технологияләргә мөрәҗәгать итәргә тиешбез

Татарстан мәдәният министры Ирада Әюпова Татарстан Фәннәр академиясендә татар әдәбияты классигының 140 еллыгына багышланган халыкара дәрәҗәдәге «Габдулла Тукай: дәүләт сәясәте һәм иҗтимагый инициативалар контекстында коммеморатив практика» бөтенроссия фәнни конференциясендә чыгыш ясады. Ул Габдулла Тукайның мирасын саклау, аны киләчәк буынга тапшыру бурычлары турында сөйләде.

«Шекспир, Пушкин, Данте... Алар дөньяның йөзләгән теленә тәрҗемә ителгән. Аларның иҗаты, ни өчендер, беркайчан да искерми.