Казанда «Энергопром» форумы көннәрендә шәһәрдән аэропортка өстәмә поездлар йөриячәк

1, 2 һәм 3 апрельдә ТР башкаласыннан аэропортка өстәмә поездлар йөриячәк. Бу «Казан Экспо» халыкара күргәзмә үзәгендә «Энергопром» Казан халыкара электр энергетикасы форумы узу белән бәйле, дип хәбәр итә шәһәр мэриясе матбугат хезмәте.

Бу көннәрдә 7602 номерлы электропоезд Казан станциясеннән 10:40 сәгатьтә кузгалачак һәм Аэропорт станциясенә 11:00 сәгатьтә килеп җитәчәк. Кире юнәлештә пассажирлар 11:40 сәгатьтә 7603 номерлы составта китә алачак. ТР башкаласына поезд 12:08 сәгатьтә килеп җитәчәк.