Рөстәм Миңнеханов Хубэй провинциясе Кытай Коммунистлар партиясе секретаре белән очрашты

Татарстан Республикасы Рәисе Рөстәм Миңнеханов Хубэй провинциясе Кытай Коммунистлар партиясе комитеты секретаре Ван Чжунлин әфәнде белән очрашу уздырды. Бу хакта ТР Рәисе матбугат хезмәте җитәкчесе Лилия Галимова хәбәр итә.

Очрашуда төбәкара хезмәттәшлекне үстерү, уртак проектларны гамәлгә ашыру һәм Россия белән Кытай арасында эшлекле элемтәләрне киңәйтү турында фикер алыштылар.

Хубэй провинциясе Кытайның Үзәк өлешендә Янцзы елгасы бассейнында урнашкан һәм мөһим транспорт төене булып тора.