Арча районында «Тукайны бергәләп укыйбыз» проекты дәвам итә

Габдулла Тукай тууына 140 ел тулу уңаеннан республикада башланган «Тукайны бергәләп укыйбыз» проекты кысаларында Арча районы китапханәләрендә очрашулар уза. Бу хакта «Арча хәбәрләре» хәбәр итә.

Аның кысаларында китап укучылар һәр атна саен китапханәләргә җыелып, шагыйрьнең шигырьләрен укый, аның бай әдәби мирасы белән якыннанрак таныша.

Проектның чираттагы очрашуы гаилә кыйммәтләренә һәм милли моңга багышланган. Бу юлы Арчаның балалар китапханәсенә шигъриятне һәм җыр сәнгатен яратучы күп балалы әниләр чакырылган.