Татарстанда аномаль җылы һава торышы сакланачак

Бүген, 13 мартта, Татарстанда аномаль җылы һава торышы сакланачак, көндезге һәм төнге температура арасындагы аерма 14 градуска кадәр булачак. Бу хакта ТР Гидрометеорология үзәге хәбәр итә.

Республикада алмашынучан болытлы һава көтелә. Явым-төшем сизелерлек түгел. Көньяк-көнбатыш җиле тагын бераз кимиячәк – секундына 5-10 метрга кадәр. Юлларда урыны белән көчле бозлавык була.

Төнге -1, -6 градуслардан соң көндез Татарстан буенча һава +3, +8 градуска кадәр җылыначак (Казанда – +5, +7 градуска кадәр).