Рөстәм Миңнеханов ислам дөньясының Россия белән бергә калуы турында белдерде

Махсус хәрби операция башланганнан соң катлаулы вазгыять урнашкач, ислам дөньясы Россия белән бергә калды. Татарстан Рәисе Рөстәм Миңнеханов Мәскәүдә «Рамазан чатыры»нда Татарстан кичәсендә ясаган чыгышында шулай дип белдерде.

«Безнең монда очрашу өчен бик яхшы мөмкинлегебез бар. Бүгенге мәҗлестәге барлык кунакларыбызга рәхмәт әйтәсем килә. Мин биредә Чечнядан, башка төбәкләрдән килгән кешеләрне күрәм. Чит ил кунакларына, илчелек вәкилләренә, һәм мәскәүлеләргә – Татарстанның дусларына рәхмәт белдерәм»...