Дубай татарлары милләттәшләр өчен ифтар мәҗлесе оештыра

11 мартта Дубайда татарлар өчен ифтар мәҗлесе була. Чара Гарәп илләре татарлары альянсы ярдәме белән оештырыла. Бу хакта «Дубай татарлары» татар берләшмәсе телеграм-каналы хәбәр итте.

Чарада 14 яшьтән өлкәнрәк ураза тотучылар катнаша ала. Изге Рамазан аенда барлык татарларны уртак табын артында җыелышырга, Аллаһыбызның мул сый-нигъмәтләре белән авыз ачарга һәм күмәк намаз укырга, бердәмлек рухын тоярга һәм иманны ныгытырга чакырабыз, диелә хәбәрдә.