Казанда Карл Маркс бюстын шул исемдәге урамда скверда урнаштырачаклар

Татарстан башкаласында немец фәлсәфәчесе, икътисадчы, социолог, язучы, журналист һәм җәмәгать эшлеклесе Карл Марксның 2004 елда сүтелгән бюстын яңа урынга – аның исемен йөртүче урамдагы скверга урнаштырачаклар. Бу хакта ТР Мәдәни мирас объектларын саклау комитеты матбугат хезмәте хәбәр итә.

Һәйкәл төбәк әһәмиятендәге мәдәни мирас объекты дип танылган. Гранит постаменттагы бронза бюст 1949 елда Свердлов урамындагы Карл Маркс исемендәге скверда - хәзерге Петербург һәм Әйдинов урамнары чаты – урнаштырылган.