Айсылу Галиева: Шәҗәрә төзү - үзеңне тану өчен кирәк, аны һәркем мөстәкыйль башкара ала

Татарстанда нәсел агачын төзүгә карата кызыксыну елдан-ел арта. 2025 елда гына да ТР Дәүләт архивына 3 меңнән артык генеалогик сорау килгән. ТР Дәүләт комитетының архив документларыннан фәнни файдалану һәм халыкара элемтәләр бүлеге башлыгы Айсылу Галиева «Татар-информ»да узган матбугат очрашуында шәҗәрә төзүне нидән башлау һәм архивлар белән ничек эшләү хакында сөйләде.

Белгеч билгеләп үткәнчә, нәсел тарихын өйрәнүне чит кешегә йөкләгәнче, аны үзең башкару күпкә кызыклырак һәм нәтиҗәлерәк.