Миңнеханов Татарстан Арбитраж судын банкротлык эшләренә аерым игътибар бирергә чакырды

Барлык кыенлыкларга да карамастан, Татарстан узган ел икътисади үсешне тәэмин итә алды, ә икътисади үсешкә һәм инвестицион климатка эшкуарлар бергәлегенең суд системасына ышаныч дәрәҗәсе йогынты ясый. Бу хакта Татарстан Республикасы Рәисе Рөстәм Миңнеханов 2025 елда республика Арбитраж суды эше нәтиҗәләре буенча киңәйтелгән киңәшмәдә белдерде.

«Татарстан Республикасы Арбитраж суды хуҗалык итүче субъектларның хокукларын һәм законлы мәнфәгатьләрен ышанычлы яклауны тәэмин итә», - дип билгеләде Миңнеханов.