Тубылда «И туган тел, и матур тел» төбәк конкурсы җиңүчеләрен билгеләделәр

Тубыл шәһәрендәге Себер-татар мәдәнияте үзәгендә истәлекле вакыйга — Халыкара туган тел көненә багышланган «И туган тел, и матур тел» XXXIII төбәк укучылар ачык конкурсы булды. Бу хакта Себер-татар мәдәнияте үзәге Вконтакте социаль челтәрендәге битендә хәбәр итте.

Конкурс сәхнәдә беренче адымнарын ясаган сабыйлардан алып тәҗрибәле сүз осталарына кадәр төрле яшьтәге нәфис сүз сөючеләрне берләштерде. Һәр катнашучы үз чыгышы аша туган телебезне саклау һәм яратуның мөһимлеген искә төшерде.