Чаллыда 30 миллион сумга кулдан язылган Коръән сатыла

Чаллыда яшәүче кеше 30 миллион сумга кулдан язылган Коръән сата.

«Бу Коръәннең хуҗасы күп сугышлар кичергән, аны һәрвакыт йөрәк турында, түш кесәсендә йөрткән һәм исән калган, шуннан соң ул аны улына тапшырган», – диелгән белдерүдә.

Сатучы китапны автомобильләргә, фатирга яки шәһәр читендәге йортка алыштырырга әзер. Шул ук вакытта ул Коръәнне сатудан кергән акчалар тернәкләндерү үзәге төзү өчен кулланылачак, дип ышандыра.