Эльмир Низамов: Александр Ключарев иҗаты татар музыкасына хөрмәт белән сугарылган

«Александр Ключарев – минем өчен татар музыкасы дөньясында аерым урын тоткан фигура. Татар академик музыкасы белән беренче очрашуым Ключарев музыкасыннан башланды. Миңа 12 яшь иде. Без гаиләбез белән Ульяновскида яши идек. Балалар музыка мәктәбендә укыганда фортепиано буенча беренче педагогым Галина Сергеевна Сидорова миңа, өйрәнү өчен, «Шүрәле» пьесасын бирде. Якты, җанлы, уртасы ре мажорда язылган матур пьеса иде - әле дә яхшы хәтерлим. Галина Сергеевна татар малаеның татар музыкасы белән таныш булырга тиешлеген яхшы аңлап...