Татарстан Рәисе катнашында Ватанны Саклаучылар көненә багышланган тантана башланды

Бүген «Казан Экспо»да Илһам Шакиров исемендәге залда 23 февраль - Ватанны Саклаучылар көненә багышланган зур тантана уза. Чарада Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, министрлык-ведомство җитәкчеләре, район-шәһәр башлыклары, хәрбиләр катнаша.

Алып баручылар Татарстанда 2026 ел Хәрби һәм хезмәт батырлыгы елы булуын искәртте. «Һәркем бер йодрык булып җиңү өчен көрәшә. Кемдер алгы сызыкта, кемдер тылда эшли, кемдер сүз һәм гамәле белән булыша», - диделәр.