Казанда төнлә муниципаль парковкаларны кардан чистартачаклар

Казанда 20 февральгә каршы төндә муниципаль парковкаларны этаплап кардан арындырачаклар. Бөкеләр булдырмас һәм транспорт хәрәкәтенә комачауламас өчен, эшләр төнлә башкарылачак, дип хәбәр иттеләр шәһәр мэриясенең матбугат үзәгендә.

Машина йөртүчеләрдән техника парковка зоналарына керә алсын өчен автомобильләрен күчереп куюны, шулай ук сәфәрләрне планлаштырганда эш графигын исәпкә алуны сорыйлар.