Февраль бәйрәмнәрендә Казанның муниципаль парковкалары бушлай булачак

Дүшәмбе көнне, 23 февральдә, Казанның муниципаль парковкалары бушлай эшләячәк. Бу Ватанны саклаучылар көнен бәйрәм итү белән бәйле.

Татарстан башкаласында бәйрәм көннәрендә шәһәр парковкалары түләүсез нигездә эшли.

Моннан тыш, Казанның муниципаль парковкалары шимбә һәм якшәмбе көннәрендә, шулай ук эш көннәрендә кичен һәм төнлә (19:00 дән 08:00 гә кадәр) бушлай. Димәк, февраль бәйрәмнәрендә барлык өч көндә дә шәһәр парковкалары бушлай булачак.