Люция Җәлилова: Икенче дәрәҗәле кешегә карагандай мөнәсәбәт булса да, атамны белеп үстем

Татарстан Республикасы Фәннәр академиясендә герой-шагыйрь Муса Җәлилнең тууына 120 ел тулу уңаеннан узган Бөтенроссия фәнни конференциясендә шагыйрьнең олы кызы, кинорежиссер Люция Җәлилова да катнашты. Ул әтисенең тормыш юлы турында фильм өчен сценарийлар язуы, әмма аларның чыгарылмавы хакында сөйләде.

«Мин әтием турында – кешенең бөтен гомер юлы ничек итеп аны батырлыкка алып килүе хакында «Рожденный революцией» исемле сценарий яздым. Бу сценарийны профессорым Сергей Герасимов та, Казан телестудиясе дә хуплады...