Фәрит Бикчәнтәев кабаттан Татарстан Театр әһелләре берлеген җитәкләде

Казанда Марсель Сәлимҗанов исемендәге Актерлар йортында Татарстан Республикасы Театр әһелләре берлегенең хисап-сайлау съезды узды, дип хәбәр итә Камал театрының матбугат хезмәте. Съездда биш еллык эшчәнлеккә нәтиҗәләр ясалды, берлек әгъзалары шулай ук оешма рәисен сайлады.

Тавыш бирү нәтиҗәләре буенча, берлекне кабаттан Фәрит Бикчәнтәев җитәкләде. Оешма башлыгы вазифасын Бикчәнтәев 2011 елдан бирле били.