Фаяз Хуҗин: «Болгар риваятьләре» тарихи мультфильмын бөтен яшьтәге кешеләр карарга тиеш

Археолог, тарих фәннәре докторы, ТР Фәннәр Академиясенең мөхбир әгъзасы Фаяз Хуҗин фикеренчә, «Татармультфильм» берләшмәсе чыгарган «Болгар риваятьләре» тарихи мультфильмын бөтен яшьтәге кешеләр карарга тиеш. Галим бу хакта «Татар- информ» мәгълүмат агентлыгында матбугат очрашуында әйтте. Ул проектта консультант буларак катнашкан.

Ике телдә чыккан «Болгар риваятьләре» мультфильмы хәзерге вакытта фестивальләрдә катнаша. Аны, шулай ук, Болгар һәм Зөя музейларында күрсәтәләр. Ул ике телдә китап итеп тә басылып чыккан.