Татарстанда буран һәм -17 градуска кадәр салкын булуы фаразлана

Татарстанда 9 февральдә аязучан болытлы һава көтелә. ТР Гидрометеорология үзәге фаразлавынча, көндез бераз кар явуы ихтимал. Кайбер районнарда буран булыр дип көтелә.

Җил төньяк-көнчыгыштан, тизлеге 5-10 м/с, урыны белән тизлеге 13 м/с ка җитә.

Температура -7 дән -12 градуска кадәр, ә төньякта һәм көнбатышта -17 градуска кадәр булачак.

Юлларда бозлавык көтелә, ә кайбер урыннарда кар көртләре барлыкка килә.