Тукай ядкярләре

Тукай ядкярләре

Бөек шагыйрь Габдулла Тукай –

Халкымның асыл улы.

Ядкярләрен барлап алыйк,

Шат булсын аның рухы.

Бу кәрҗинне тотып Тукай,

Ерак сәфәргә чыккан.

Шушы сөлге һәрвакытта

Юл кәрҗинендә булган.

Бәрхет түбәтәен киеп,

Тукай фотога төшкән.

Аңа шушы түбәтәйне

Бер дусты бүләк иткән.

Апасына бүләк итеп

Фаянс тартмачык алган.

Олыларны хөрмәт итү –

Борынгылардан калган.