Психолог Илүзә Әминова: Татар хатын-кызлары басынкырак, ир-атларга хезмәт итүче

«Хатын-кызның абьюзерга әйләнү сәбәпләре бик күп, аларның берничәсен әйтеп үтәм. Беренче сәбәп – хатын-кызның әтисез үсүе, яисә «проблемалы» әтиле булуы. Мәсәлән, гаиләдә «проблемалы» әти булса, хатынының аңа тискәре мөнәсәбәте, «мин үзем дә барысын булдырам», «анардан нәрсә алыйм», «анардан бары тик бетмәс проблемалар гына» диюләре кыз балада абьюзерлык сыйфатларын булдыра.

Икенче очрак – гаиләдә әни «баш» булган очракта. Әни абьюзер булса, кыз бала аны үрнәк итеп күрә, аңа охшап үсә.