Нәҗип Җиһановның 115 еллыгы: Сәнгатьне дөнья биеклегенә күтәргән кабатланмас шәхес

Юбилей көне иртәнге сәгатьләрдә Арча зиратында композиторның каберенә, шулай ук ул 17 ел яшәгән Кече Кызыл урамындагы 14нче йортның истәлек тактасына чәчәкләр салудан башланып, Татарстан Милли музеенда «Билгесез дөнья ачкандай булдым» дип исемләнгән күргәзмәнең рәсми ачылышы белән дәвам итте.

Ирада Әюпова: «Мактаулы бүләкләр җитәрлек булса да, беренче чиратта бу – халык мәхәббәте»

Татарстан мәдәният министры Ирада Әюпова Нәҗип Җиһановның татар дөньясы өчен зур тарихи байлык булуын аерым билгеләп үтте.