Мәскәүдә композитор Сәйяр Хәбибуллинның 95 яшьлек юбилеен билгеләп үттеләр

Бүген Мәскәү композиторы, Татарстан Республикасының атказанган сәнгать эшлеклесе Сәйяр Хәбибуллинга 95 яшь тулган. Юбилей Татарстанның Россия Федерациясендәге тулы вәкаләтле вәкиллегендә билгеләп үтелгән.

Татарстан Премьер-министры урынбасары һәм Татарстан Республикасының Россия Федерациясендәге тулы вәкаләтле вәкиле Равил Әхмәтшин композиторга Татарстан Мәдәният министрлыгының «Мәдәнияттәге казанышлары өчен» билгесен һәм Бөтендөнья татар конгрессының «Татар халкы алдындагы казанышлары өчен» медален тапшырды.