Менделеевскида балалар коеда үлгәннән соң «Таткоммунэнерго» хезмәткәрләре тоткарланды

Менделеевск шәһәрендә ике бала һәлак булганнан соң «Таткоммунэнерго» компаниясенең ике хезмәткәрен кулга алганнар.

«Татар-информ»га билгеле булганча, компания хезмәткәрләрен 7 гыйнварда ук кулга алганнар – икесен дә суд өй арестына җибәргән.

«Татар-информ» хәбәр иткәнчә, 4 гыйнварда Менделеевскида ачык коеда 10 яшьлек ике малайның мәете табылган. Люксыз кое балалар шуа торган тау янында урнашкан булган. Балалар таудан шуганда коега төшеп киткән. Хезмәтләр тиешенчә күрсәтелмәү турында эш ачылган.