Татарстанда 1,1 миллион пенсионер яши

Россия Федерациясендә иң күп пенсионер Мәскәү төбәгендә һәм Краснодар краенда яши. Бу хакта «Российская газета» яза.

Башкалада 3 миллион эшләүче һәм эшләмәүче пенсионер теркәлгән, Мәскәү өлкәсендә - 1,95 миллион. Краснодар краенда андыйлар 1,6 миллион кеше исәпләнә.

Пенсия алучылар саны буенча топ-5кә шулай ук Санкт-Петербург (1,44 миллион) һәм Свердловск өлкәсе (1,25 миллион) керә.

Рейтингның алтынчы урынында Ростов өлкәсе урнашкан, анда 1,15 миллион өлкән яшьтәге кеше яши.