Казанда янгын сүндерүчеләр ут чыккан фатирдан ир-атны коткарган

Казанның Ямашев проспектында тугызынчы каттагы өч бүлмәле фатирда янгын чыккан. Янгын мәйданы якынча 0,1 квадрат метр тәшкил иткән. Бу хакта Россия Гадәттән тыш хәлләр министрлыгының ТР буенча баш идарәсе матбугат хезмәте хәбәр итте.

Янгын сүндерүчеләр фатирда 1983 елгы ир-атны тапкан. Ул яну продуктлары белән агуланган булган. Зыян күрүчене 7нче шәһәр клиник хастаханәсенә китергәннәр.