Милли китапханәдә Илһам Шакировка багышланган документаль фильм күрсәтелде

Татарстан Милли китапханәсендә «Илһам Шакиров: бөек халык җырчысы» документаль фильмы күрсәтелде. Әлеге фильм май аеннан башлап төшерелгән, ул 90 процентка татар телендә.

• Фильмны әзерләүдә 30дан артык кеше катнашкан. Алар арасында Рабит Батулла (концертларын алып баручы), Рәшид Сабитов (гитарачы), Сәйдәш Гарифуллин (аккордеончы), Искәндәр Сираҗи (Шакиров үстергән егет), Зөһрә Шәрифуллина (җырчы), Илһам Хаҗиев (ярдәмчесе), Гөлзадә Сафиуллина (җырчы һәм алып баручы), Флүр Шакиров (абыйсының улы) та бар.