Татарстанда җомга көнне томан һәм бозлавык көтелә

9 гыйнварда Татарстанда һәм Казанда урыны белән томан фаразлана, дип хәбәр итә республиканың Гидрометеорология үзәге.

Юлларда көндез дә, төнлә дә көчле бозлавык булуы ихтимал, бу транспорт хәрәкәтен кыенлаштырырга мөмкин.

Россия Гадәттән тыш хәлләр министрлыгының Татарстан буенча Баш идарәсе урамнар һәм юлларда игътибарлы булырга киңәш итә. Машина йөртүчеләргә куркынычсыз дистанция сакларга һәм тизлекне киметергә киңәш итәләр.