Төмәндә өлкә укучылары арасында татар теле һәм әдәбияты буенча олимпиада үтте

Төмәннең «Яңарыш» газетасында Гөлнур Вәлиеваның «Туган телебезне яратучылар бәйгесе» дигән язмасы чыкты.

«Төмәннең физика-математика мәктәбе базасында өлкә татар милли-мәдәни автономиясе ярдәмендә «Новое поколение» төбәк үзәге оештырган өлкә укучыларының татар теле һәм әдәбияты фәннәре буенча олимпиадасы үтте.

Татарлар күпләп яши торган төрле төбәкләрдән килгән 85ләп 8-11 сыйныф укучысы арасында Аромаш һәм Яркәү районнары укучылары гына күренмәде.

Быелгы программа эчтәлекле, бай иде.