«Татар-информ»ның ел йомгаклары: иң күп телгә алынган ммч һәм уңыш китерә торган түбәтәй

Безгә – 35 яшь

2025 елда «Татар-информ» үзенең 35 еллыгын билгеләп үтте. Бер яктан караганда, бу түгәрәк дата түгел кебек, әмма икенче яктан – электрон ММЧ (массакүләм мәгълүмат чаралары) өчен бу шактый зур ел, чөнки аларның гомере еш кына кыска була. Ә «ТИ» үз тарихының 35 елы дәвамында да актив эшләвен дәвам итә һәм һәрвакыт вакыйгалар үзәгендә кайнап яши. Юбилей көннәрендә без бу традицияләр турында басманың беренче баш мөхәррире Гомәр Богдалов һәм аны алмаштырган Римма Ратникова белән сөйләштек.