Үзбәкстанда Шиһабетдин Мәрҗани турында фильм төшерә башладылар

Үзбәкстанда күренекле татар дин белгече һәм мәгърифәтчесе Шиһабетдин Мәрҗани турында «Укытучы» нәфис фильмын төшерә башладылар. Бу хакта «Татаркино» матбугат хезмәтендә сөйләделәр.

Картина Мәрҗанинең балачагы, Бохара һәм Сәмәркандта укыган чагы турында сөйли.

Фильмны төшерү Бохарада Мәрҗани укыган «Мири Араб» тарихи мәдрәсәсендә башланачак. Фильмның генераль продюсеры Миләүшә Айтуганова әйтүенчә, мәдрәсәдә мәгърифәтче истәлегенә эленгән такта бар һәм хәтта ул яшәгән бүлмә дә сакланган.