Чирмешән районы укучылары чуваш теле һәм әдәбияты буенча олимпиадада призер булды

Чирмешән районының өч укучысы чуваш теле һәм әдәбияты буенча республика олимпиадасының йомгаклау этабында призер булды. Бу хакта «Безнең Чирмешән» сайты яза.

Чирмешән районы Яңа Элмәле мәктәбенең 9 сыйныф укучысы Алина Симухина, Әккәрәй мәктәбеннән Дарья Моисеева (9 сыйныф), Ивашкино мәктәбенең 11 сыйныф укучысы Маргарита Красновалар Казаннан бүләкләр белән кайттылар, диелә хәбәрдә.