Самарада татар теле һәм әдәбияты буенча өлкә олимпиадасы узды

Самараның «Бердәмлек» газетасында Эльмира Сәйфуллинаның «Милләт — безнең әманәт!» дигән язмасы чыкты.

«Берничә дистә елдан артык Самара өлкәсендә татар теле һәм әдәбияты буенча өлкә олимпиадасы үткәрелеп килде. Әмма 2020 елдан, эпидемиологик вазгыятькә бәйле рәвештә, чара онлайн форматта уздырыла башлады. Ә 2024 елда Самараның «Яктылык» мәктәбе, шәһәр татар милли-мәдәни мөхтәрияте инициативасы һәм өлкәнең «Мәгариф үсеше институты» өстәмә белем бирү үзәге ярдәме белән, бәйгене гадәти форматка кайтарды.