Милли Шура рәисе Башкортстандагы Заит җәмигъ мәчете эшчәнлеге белән танышты

Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Башкортстан Республикасына сәфәре кысаларында Заит җәмигъ мәчетендә булды. Бу хакта Бөтендөнья татар конгрессы матбугат хезмәте хәбәр итә.

Мәчет 2008 елда шәһәрнең төрле предприятиеләре һәм шәхси затларның хәйрия ярдәме белән төзелгән һәм шул ук елны рәсми рәвештә ачылган. Комплекс составында Башкортстан мөселманнары Диния нәзарәтенең Октябрьский мөхтәсибәт идарәсе дә эшли.