Җир һәм мөлкәт мөнәсәбәтләре министры Кадыйров «Батырлар» катнашучысының остазы булачак

ТР Җир һәм мөлкәт мөнәсәбәтләре министрлыгы башлыгы Азат Кадыйров «Батырлар. Татарстан Геройлары» программасы катнашучысы, махсус хәрби операция ветераны Рөстәм Сабиров белән очрашты.

Исегезгә төшерик, «Батырлар. Татарстан Геройлары» программасы – ул махсус хәрби операция катнашучылары һәм ветераннарыннан Татарстанның кадрлар резервын формалаштыру махсус республика проекты. Ул ТР Рәисе Рөстәм Миңнехановның инициативасы белән гамәлгә куелды. Проектның беренче сайлап алу этабына 1,6 меңнән артык кеше теркәлгән.